السلام عليكم
اخترت لكم هذه الابيات من الشعر العراقي الزهيري

ياترف حبك تره خلاني اكتب شعر
وكلبي الغيرك ابد مارف حنينه وشعر
تلفان ضليت وشاب الكلب والشـــــعر
ابحر الهموم اغركت وانته الفرح من هلك
بالروح ماضل صبر راح اخطفك من هــــلك
اسئل الحبو كبل من الناس منهو هلـــــــك
عكب الدلال اصبحت بصحراء وبيت الشــــعر


حاير حبيبي الك شكتب وشرسل ورد
تمنيت كون أوصلك ونطيك كلبي ورد
بالروح حبك زرع بستان خضر ورد
وسهام حبك صفن بالكلب ميه والف
بس أنت ولفي صرت ما عندي غيرك ولف
لو أبقى طول العمر أفتر ودور ولف
ما ألكى مثلك محب أروى بحنانه ورد


زدت فوك هم العلي هم انت
حبيت وتغيرت والسبب هم انت
عفت كل ربعي وكلت الاهم انت
مريت ولي كدرت عليه بس امرها
خفت يطلعلي من الحلوه بس مرها
ولمن رحت الها دكتني بسمارها
وردتني بكل جفاء وكالتلي هم انت


حسنك مصيبة وعليك الناس منتبهة
وبيك نتحدى الكمر ونكول منتبهة
الكالك كل صفات الحسن منتبهة
غلطان حيث الحسن كلة يجي دونك
عزيز وادري بأن طبع الوفى دونك
لو خيروني بجنان الخلد من دونك
ارفض ولا اريد جنة خلد منبهة


كلبي الكبل ما يون بجفاك وان انتة
وضنيتك انتة الفرح تاليك وان انتة
مامش طيوفك واباري بشوك وان انتة
ماخوذ مني وخيالك ابد ما لحضة
ورسمك يازين النبة مبعد علي لحضة
مشتاك اشوفك ولو مشوار لو لحضة
وين انتة روحي دنت على الموت وين انتة

موضوع مميز

چزـآگِـِ ـآلله خيرآ

يعطيگـِ ـآلعآفيةة يآلغلآ وپآنتظآر چديدگـِ ـآلقآدم

سلمت اناملك اخي الكريم شكرا لك لموضوعك المميز