الحـــــب الاول

لأنك بالتزامك مو من اهلك
اخاف تشيل ذنبي مو من اهلك
منو بگدي يحبك مو من اهلك؟
منو بگدي يحبك من عشرتك
وتمنه يصير اصبع من عشرتك
وانه شگضيت خايب من عشرتك
اعد بسنين عشرتنه وهي جروح
وحس ويه النفس يطلع وهج روح
واخيراً كتلي ودعني وهج روح
اروحن وين ماگدر هوه انته
وانه الماهان من اجلك هونته
الي بدنياي شي واحد هو انته
وحرت بين ان تركته وان تبعته
انه الونيت والوّن ون تبعته
ماباعك حبيبك وانته بعته
حبيبك باع عمره واشترك بي
وحزن گلبي اعله حزنك واشترك بي
وبعد شتدوس گلبي وشترگ بي
جبل حبه وتگلگل لن تگل بي
ويادنيا شمادفعتي لن تگلبي
واذا تنسا يگلبي لانته گلبي
ولاريدك بعد وبصدري احملك
حبيبي شلون ترضه بصد رحم لك
اذا حملك يتعبك صدري احملك
الي وروح الارض وشگد دولها
وتداوي الداء لو بالمخ دولها
بس العين مايحصل دوه الها
دواها العين خلها من تقر بي
وتصب كل ماتشوفك منته قربي
ولك شيصير حبك من تقر بي
وتحبني انته يقين بصدري مو شك
الف شوكة السكوت بصدري مو شك
انذبح گلبي وتشضه بصد رموشك
وعرف محد يدفنه وشي دفن شي
وعگب صدره المواگد شي دفن شي
كفر من رسم غيرك شي دفنشي
واظن للجنة يدخل من يرسمك
حبيبك يمسح اسمه من يرى اسمك
بسمك حبي جمالك من يرى اسمك
وانه الليل بعيونك شفته كحله
وشفت شمس الاصيل وشفتك احله
العسل من ضگته گلك شفتك احله
اذاً لو من شفاهك بستك اشفه
اذا انته المات يعدل بس تكشفه
شتظن حبك يضعفك بس تكشفه؟
وعليّ تخفي اهتمامك واكتراثك
وانه المن مات گلبي وكتي راثك
نسيت الحب الاول واكتراثك؟
صدگ ينسه تراثه هسه جيلك؟
وتشوف سواج عيني هسجي لك
وانادي وماتگلي هسه اجيلك ؟
صحتلك يــــا وصارت كبري يـائي
واذا رائيت بالشط كب ريائي
حبيبي شلون تجرح كبريائي ؟
وتذلني گبال كل ناسك وناسي
وبقيت بصحره شاتلني وناسي
ناس تگول لا تسكت وناس اي
لأن كلش مذلتي لاگتلهم
وجبل حبي المقدس لاگه تلهم
گالوا حيل ذلّك لا كتلهم
عناية احتاج گلبه وجاي اعاني
وخفيت شكثر منك جاي اعاني
تمرمرني من ازورك جايع اني ؟
شكثر ندمان چي بيتك عتبته
وعرفني الباب من دگتي وعتبته
عتابي وياك چي احبك عتبته
گلبي شلون يمهم وكّسرته
اسير وذل شجالك وك اسرته
قبل جانت اسرتك وك اسرته
اسرتك هسه سمتني الضحية

جزااااك الله خيرا.. على هذا المجهود الرائــع.. 
بــارك الله فيــك على الموضـــوع .. 
الى الأمـــام.. 
لاتبـخل عليــنا بجـــديــدك.. 
و تقـبل مروريـ.. 
تحياتي..